شباب جامد





منتديات شباب جامد

شباب جامد


 
الرئيسيةاليوميةمكتبة الصورس .و .جبحـثالأعضاءالتسجيلدخولاعلانات المنتدى
انشاء الله هنرجع المنتدى زى ما كان واحسن كمان wWw.shabab-gamed.ba7r.org

شاطر | 
 

 aya على كرسى الاعتراف

اذهب الى الأسفل 
كاتب الموضوعرسالة
shadooooo
المدير العام
المدير العام
avatar

رقم عضوية : 1
ذكر الثور السٌّمعَة يا باشا : 5
تاريخ التسجيل : 30/03/2009
العمر : 25
الموقع : http://shabab-gamed.ba7r.org
المزاج : مفيش حب تانى

مُساهمةموضوع: aya على كرسى الاعتراف   السبت أغسطس 29, 2009 11:57 pm

أية هى الى على كرسى الاعتراف

-------التوقيع-------

www.shabab-gamed.ba7r.org


shado0o0o0o0o0o0

الرجوع الى أعلى الصفحة اذهب الى الأسفل
http://shabab-gamed.ba7r.org
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الأحد أغسطس 30, 2009 12:46 am

هههههههههههه
تعالى بقا يا اية
عايزك تقولنا ايه السبب اللى خلاكى انت و صحبتك ما تكلموش بعض
بعد 7 سنين صداقه؟
من غير لف ولا دوران
جويى على طول
و متقوليش مش هقدر اجاوب
ههههههههههههههههههه
ده انتى هتشوفى ايام سوده
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الأحد أغسطس 30, 2009 7:55 am

هههههههههههههههه
ايوه كل واحد عايز ياخد بطاره منى يجى هنا ويدبسنى هههههههه

وهجاوبك يا هشام على سؤالك
بص يا سيدى
خصامنا ده تقريبا من 2اعدادى
فالمهم هى دماغها صغيررره اوووووووووى اوووى كمان
فالمهم انا كنت قاعده مره فى درس الانجلش هى معايا وكانت قاعده جمبى فالمهم انا فى اليوم ده كنت مخنوقه جداااا وطالع عينى فا وانا فى الدرس والمفرود اننا بنحل فاقومت قايله اووووف فهى اخدتها على نفسها ( مش بقولك دماغها صغيره) وقامت زعقت فيا وقالتلى لو مضايقه انى قاعده جمبك وكده انا ها اقوم وقامت قايمه
فاقولت خلاص لما نخلص ونروح ها اروح اصالحها وكاى سوء فهم بين اى اتنين اصحاب وهى كمان زى ما انت عارف جارتى يعنى لازم ها اقابلها فاقولت خلاص ها اصالحها
فالمهم روحت البيت وكنت بقا ها اكلمها واقولها حقك عليا يا منى وماكنش قصدى واطيب خاطرها بكلمتين
فااذا وانا قاعده لقيت التليفون رن فاقومت رديت فا طلع والدها وقام شخط فيا جاامد وزعقلى وقالى انتى مالك بيها وازاى تكلميها كده وشتمنى وشتم والدتى ( شوفت وصلت لغايه فين) اتاريها وصلتله الحكايه بطريقه تانيه خالص وانى عملت حاجات تانيه اصلا وكان قصدى حاجات ومش عارفه ايه فالمهم انا طول المكالمه معاه على الخط وقولت بلاش اقفل فى وشه لانه اولا اكبر منى سننا ووالد صديقه عمرى
فا بعد ماخلص كل كلامه وشتايمه قام قافل
فالمهم بعدها بقا مامتها استلمتنا فى الطالعه وفى النازله شتايم وقلة ادب
واحنا لاننا محترمين مكناش عايزين ننزل بمستوانا لناس زى دى
واكتشتفت كمان بعد كده انها كانت مصحبانى لمجرد انى واحده ممكن تساعدها فى واجب تعملها حاجه
وانا زى ما قولت قبل كده كنت معتبراها تؤام روحى دا انا كنت بحكلها على حتى احلامى الى بحلم بيها
فالمهم تفتكر بعد كل ده ينفع نرجع تانى اصحاااااااب؟؟؟
تفتكر ممكن اعتبر والدتها زى ووالدتى زى ماكنت معتبراها فى الاول؟؟
تفتكر ممكن احترم والدها بعد الى حصل منه ؟؟
اعتقد ان كل شئ اتكسر بينا ومفيش امل لاى حاااااااااااااجه
حتى لو نفسى ارجعلها ونرجع تانى زى الاول

بس يا سيدى
وانا جاهزه لاى سؤال تااااااااانى
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الأحد أغسطس 30, 2009 2:08 pm

بصى
اولا احب اشكرك على صراحتك
jghfhdt jghfhdt
ثانيا بخصوص صحبتك لا طبعا دى متنفعش تبقى صحبتك
اساسا و خلص اقفلى صفحت صاحبتك و ان شاء الله
هتلاقى صحبه تانيه تحبك علشان نفسك و تكون عائلتها
محترمه
ندخل بقى فى الاسئله
بص يا ايه لو فى حد جارك بيحبك جدا بس هو مش عارف يكلمك بس انتى
حسه انه بيحبك هتعملى ايه لو مثلا انتى كمان بتحبيه هتحاولى تبينى
ان انتى كمان بتحبيه ولا هتستنى يجى يكلمك هو و لو انتى مش بتحبيه
ايه هو هيكون ردك؟
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الأحد أغسطس 30, 2009 4:05 pm

لا شكر على واجب اولا

ثانيا فعلا كلامك صح وانا بحمد ربنا انى عرفتها على حقيقتها وعرفت حقيقه اهلها بس الحمدلله على كل شئ

وبالنسبه لسؤالك ده
بصراحه بدال انا حاسه انه بيحبنى وانا كمان بحبه
ها اساعده لان الواحد لما يجى يقول انا بحبك لوحده بتبقا صعبه اووووى فعشان كده لازم اساعده
يعنى احاول ابينله انى كمان بحبه اشجعه انه يقولى الكلمه دى
وهو اكيد ها يحس انى بحبه وها يجى يقولى بحبك
لكن ابقا بحبه وعارفه انه بيحبنى واسكت واقعد مستنيه الفرج
لالا دا انا يحصلى حاجه هههههههههه
بص كل شئ بحدود يعنى انا اساعده واحاول ابينله انى كمان بحبه بس بحدود
بحيث انه يحس ويتاكد فعلا انى بحبه
وبس
فهمتنى؟؟
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الإثنين أغسطس 31, 2009 4:37 pm

ماااااااااااااااااااشى يا ستى
1.ماذا تمثل لكى تلك الكلمات الموت\الحياه\السعاده\الاسره؟
2.باقه ورد لمن تعطيها؟
3.من هى اية التى لا يعرفها الجميع بمعنى صفه لا يعرفها الكتير عنها؟
4.منصب كبير مسكتيه ايه هو اول قرار هتتخذيه؟
5.ماذا تعنى لكى الصداقه؟
6.ذهبتى لمكان معزومه فيه متعرفيش حد من المدعوين ماذا تفعلى؟
7.اهم مشكلتين فى البلد مع كيفيه حلها بايجاز او الشرح كيف تشائى؟
8.حياتك كيف تراها مع الشرح و التعليل؟


كفايه كده هديلك هدنه و احتمال ارجع تانى
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الإثنين أغسطس 31, 2009 7:13 pm

يا عينى على الاسئله
الله عليك يا اتش
ايوه كده يا وديع هههههههه
مبدئيا كده تسلم ايدك قبل ما اجاوب على اى حاجه

نجاوب بقا
ماذا تمثل لكى تلك الكلمات الموت\الحياه\السعاده\الاسره؟
الموت ** الراحه الابديه ونهايه المطاف
الحياه** التفاؤل والحب
السعاده** سر وجود البنى ادمين ومن غيرها مينفعش نعيش
الاسره ** المكان الدافئ الى بحس فيه بالامان والاستقرار


باقه ورد لمن تعطيها؟
لوالدتى ولجدتى
ربنا يخليهوملى


من هى اية التى لا يعرفها الجميع بمعنى صفه لا يعرفها الكتير عنها؟
صفه فيا ماحدش يعرفها ؟؟ الغموووووض
انا الى حدما غامضه
مشاعرى لناس كتيررر غير مفهومه
وده ممكن ينعكس على شخصيتى بالغموض


منصب كبير مسكتيه ايه هو اول قرار هتتخذيه؟
وزيرة التربيه والتعليم
اولا ها اعمل جوده شااامله على كل مدارس مصرررر بلا استثناء
ها اعمل دورات دوريه تدربيه لمعرفه طرق التعامل مع الطلبه بالنسبه للمدرسين
وها اعمل تجديد بردو دورى للمدرسين بحيث ان كل سنه المدرسين يتغيرو ويجو غيرهم عشان نقلل شويه من البطاله
وها ادى الطالب فرصه اختيار المدرس الى ها يشرحله الحصه بحيث يبقا قاعد متقبله مش قاعد ناااايم وكارهه نفسه



ماذا تعنى لكى الصداقه؟
يااااااااااااااااااه
الصداقه هى حياتى هى نفسى الى بعيش بيه من غير الصداقه مينفعشى اعيش


ذهبتى لمكان معزومه فيه متعرفيش حد من المدعوين ماذا تفعلى؟
ها ابقا مكسوفه اووووى
لكن انا ممكن اتصاحب علطوووول على اى بنوته واقعد جمبها
بسلك انا علطووول


اهم مشكلتين فى البلد مع كيفيه حلها بايجاز او الشرح كيف تشائى؟
1** التحرش والاغتصاب
( من غير كسوف لان ده وااااااااااااااقع)
1** نحاول نساعد بقا الشباب فى الجواز عايزين نرحمهم شووويه
2**نمنع اى كليبات اسفاف وعرى الى بتزود المشكله
3** عايزين نوفر وظائف بحيث نقلل من البطاله ونساعد على الجواز

2** الصحه والمستشفيات العامه
مش عشان مجانى وعامه لكل الناس تبقا بالمستوى ده
مفيش اى نوع من الانواع الاهتمام والرعايه المفرود نرحمهم ها نبقا احنا والمرض والزمن عليهم
ده يبقا ظلم والله


حياتك كيف تراها مع الشرح و التعليل؟
حياااااااه ابسط من البساطه
حيااه كلها تفاؤل وايمان ولكن بعيده شويه عن الحب والغرام مؤقتاااا
انا بحب جدااااااااا حياتى وطريقتى فيها

وتسلم يا اتش على الاسئله
وانا تحت امرررررررررررك
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الإثنين أغسطس 31, 2009 9:44 pm

اي خدمه
بس انتى لسا شوفتى حاجه
و بجد ردك كان رائع
jghfhdt jghfhdt
1.قولى نكته بس بشرط تكون بايخه؟(لو مش بيخه هخليكى تعيديها)
2.لو عندنا فيل عايزين نحطوه فى الثلاجه على 3 مراحل نعمل ايه؟
3.اخر مره اختى شور امتى؟(بس يا ريت الاجابه متكنش اكتر من شهرين)
4.طولك كام سم؟
5.وزنك كام كيلو؟
6.ايه اكتر موقف حسيتى فيه انك اتظلمتى؟
7.ايه اكتر مقوله سمعتيها و اثرت فيكى؟
8.بتقرائى شعر؟
9.ايه اكتر اسم بنت بتحبيه و اكتر اسم مش بتحبيه؟
10.النسر اللى فى علم مصر باصص ناحيه اليمين ولا الشمال؟
ايه رائيك فى العبارات دى ؛
1.الانسان حيوان ناطق؟
2.اللهم اكفينى شر اصدقائى اما اعدائى فانا كفيل بيهم؟
3.لا يستحق ان يولد من عاش لنفسه فقط؟
4.لو لم اكن مصريا لوددت ان اكون كوريا شماليا او جنوبيا او حتى يابانيا؟
5.يا مامنه للرجال يا مامنه لفريد شوقى فى فسلم المحتال؟

ورينا بقا الاجابات
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الإثنين أغسطس 31, 2009 10:12 pm

اسئلتك المرادى صعبه على فكره

قولى نكته بس بشرط تكون بايخه؟(لو مش بيخه هخليكى تعيديها)
بايخه بايخه متاكد
هاتخلى الناس تاخد عنى فكره بايخه هههههههه
المهم **
اعمي فتح من الفرحة اتشل
بواخه ببواخه بقا
**
احول دخل الجيش حطوة في قسم القصف العشوائي


لو عندنا فيل عايزين نحطوه فى الثلاجه على 3 مراحل نعمل ايه؟
انا قرأت دى قبل كده
استنى ابقا على ما افتكر وانا قدامى سنه على ما افتكر
اه افتكرت بص
1* نفتح التلاجه
2* نحط الفيل
3* نقفل التلاجه


.اخر مره اختى شور امتى؟(بس يا ريت الاجابه متكنش اكتر من شهرين)
ههههههههههههه لازم مش اكتر من شهرين
لا دا النضافه من الايمان
لالا الحمدلله علطول


طولك كام سم؟
ها تصدق لو قولتلك ما اعرفش والله مش بهتم بحكايه الطول او العرض دى
بس الحمدلله انا طولى كويس ملائم لجسمى لالا طويله اووى ولا قصيره اووى


.وزنك كام كيلو؟
الحمدلله الحمدلله الحمدلله انا مش تخينه اوووى ومش رفيعه اووى
بص انا طولى متوسط ووزنى بردو متوسط
الحمدلله يعنى


ايه اكتر موقف حسيتى فيه انك اتظلمتى؟
يااااااااااه مواقف كتيررر
بس اكتر موقف
تجربه الحب الى انا مريت بيها اكتر موقف حسيت انى اتظلمت فيه جااااااااامد


ايه اكتر مقوله سمعتيها و اثرت فيكى؟
اه بحب الحكمه دى اوووى
لكل كلمه اذن ولعل اذنك ليست لكلماتى فلا تتهمنى بالغموض تحفه تحفه تحفه


بتقرائى شعر؟
انا مش بقرأ بس انا بكتب كمان
انا فى مجموعه موهبات تبع المدرسه فى كتابه الشعر
والحمدلله بقرأ بردو


ايه اكتر اسم بنت بتحبيه و اكتر اسم مش بتحبيه؟
اكتر اسم بنت بحبه حناااان وأسماء
واكتر اسم مش بحبه منى
( عقدتنى) هههههههه


.النسر اللى فى علم مصر باصص ناحيه اليمين ولا الشمال؟
ياااااااه على السؤال ده
ازاى تفوتنى ابص على النسر واشوفه باصص اى ناحيه
ما يبص براحته يا اتش وانا مالى وماله


الانسان حيوان ناطق؟
مؤمنه بيهااااااا جداااااااااا
وتقريبا انا الوحيده الى مؤمنه بيهاا هههههههه
فعلا الانسان حيوان بس ناطق


اللهم اكفينى شر اصدقائى اما اعدائى فانا كفيل بيهم؟
ياااااااارب
بالضبط عارف ليه
لان اصاحبك اولا عرفو عنك كل شئ اسرار بقا ونقط ضعف فلو حصل سوء تفاهم بينكو على الى ها يحصل جلاجل ذات نفسها ها تكون عندى
لكن اعدائى فا هما مش عارفين حاجه عندى يادبوك هما كارهنى بس من بعيد لبعيد


لا يستحق ان يولد من عاش لنفسه فقط؟
طبعااااااااااا
والا ماكنش ربنا سبحانه وتعالى خلق كل الناس دى
ربنا سبحانه وتعالى خلقنا عشان نكمل بعض مش عشان ننفر ونبعد عن بعض
وكل واحد يعيش وحده


.لو لم اكن مصريا لوددت ان اكون كوريا شماليا او جنوبيا او حتى يابانيا؟
ههههههههههه
اشمعنا كوريا واليابان
لالا طبعا لو لم اكن مصريه لوددت ان اكون مصريه
وافتخر بكونى مصريه
وعايشه فى مصر
حد يتبرى من امه ؟؟
ما ينكرشى الجميل الا ابن الحرام
وشوف جمايل مصر علينا قد ايه؟؟ يبقا نتبرى منها ؟؟ ولا نضحى عشانها



يا مامنه للرجال يا مامنه لفريد شوقى فى فسلم المحتال؟
هههههههههههه
قصدك يا مأمنه للرجال يامأمنه للمايه فى الغربال هههههههههه
بص صوابعك مش زى بعضها
وزى مافى وحش فى حلو
والثقه مطلوبه فوق كل شئ
ولا ايه؟


تسلملى يا اتش على الاسئله الحلوه دى
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الإثنين أغسطس 31, 2009 10:13 pm

هشاااااااااام انت حذفت مشاركتك الى بخصوص روما ليه؟؟
انا كنت لسه ها ارد عليك
اكتبها تانى يلا لانى مش فاكره انت كنت بتقول ايه ؟ هههههههههه
معلش كبرت وعجزت وماعتش بفتكر
استحملنى بقا
بجد اكتبها تاااااااااااانى
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الثلاثاء سبتمبر 01, 2009 1:15 am

1.ان شاء الله لما ربنا يكرمك و ترطبتى باابن الحلال ايه الصفه اللى لو اكتشفتيها فى الانسان اللى بتحبيه مش هتكملى معاه مهما كنتى بتحبيه؟
2.ايه اكتر موقف كوميدى حصلك؟
3.مين اكتر شخص انتى مدينه له بالفضل؟
4.اكتر شخصيات بتحترميها فى المنتدى؟
5.لكى رساله فى الحياه ولا عايشه و خلاص؟
6.اول شخص بتلجئى اليه و انتى مخنوقه؟
7.من تختاري ليمسح دموعك؟
8.بتخافى من الموت؟
9.لو عندك رحله ترفيهيه من تختاري اهلك ولا اصدقائك؟
10.لو انتى فى من ما و لكى الحق فى تعين موظفين و كان من ضمن المتقدمين للوظيفه زميله لكى؟بصراحه هتعمليها على انها واحده ولا هيكون لها اولويه فى التعين؟
11.ايه نقطه ضعفك؟
12.ايه شعورك وانتى على الكرسى؟
13.انتى برج ايه؟و فعلا تتفق صفاتك مع صفات البرج ده؟و هل انتى بتومينى بيها؟
14.لما بتغلطى فى حد بتعتذرى؟
15.لو ليكى مصلحه مع حد انتى مش بتقبليه,هتتكلمى معاه و تنفقيه لحد ما مصلحتك تخلص ولا لآ؟
16.يوم فى حياتك بتتمنى تمحيه؟
17.من رايك ايه اجمل لحظه و اصعب لحظه فى حياة الانسان؟


لو زهقتى من الاسئله قولى و انا هقلل منها
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الثلاثاء سبتمبر 01, 2009 1:21 am

اما بخصوص روما
انا كنت بقولك ان روما مش بتبين ان هى بتحبين يعنى انتى كنتى هتحاولى تبينى اما روما مش بتعمل اى حاجه يعنى هى كده مش بتحبنى ولا ايه
ايه رايك
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الثلاثاء سبتمبر 01, 2009 10:34 am

ان شاء الله لما ربنا يكرمك و ترطبتى باابن الحلال
ايه الصفه اللى لو اكتشفتيها فى الانسان اللى بتحبيه مش هتكملى معاه مهما
كنتى بتحبيه؟
1* عدم الاهتمام بيا
2* الكذب

ايه اكتر موقف كوميدى حصلك؟
زماان
كنت انا وشادى مع بعض فى مدرسه واحده فى الابتدائ
كنا نصحى الصبح ونلبس وتمام
وننزل وفى نصف الطريق نكتشف اننا نسينا شنط المدرسه مش السندوتشات لالالالا الشنطه بحالها ههههههههه
وبردو كنا نيجى ننزل المدرسه والمرادى معانا شنطتنا اكتشف فى وسط الطريق ان شادى لابس شبشب الحمام مش الشوذ بتاع المدرسه ههههههههههه


مين اكتر شخص انتى مدينه له بالفضل؟
والدتى طبعااااااااا لولى والدتى ماكنتش جيت


.اكتر شخصيات بتحترميها فى المنتدى؟
طبعاااا كلكووووو
بدون استنثاء


.لكى رساله فى الحياه ولا عايشه و خلاص؟
طبعا ليا رساااااااااله
1* اكون حاجه فى المجتمع مش مجرد مواطنه عايشه كده وخلاص
2* اساعد اى حد يطلب منى المساااااااعده بدال ربنا مقدرنى اساعده


اول شخص بتلجئى اليه و انتى مخنوقه؟
مفيش
بلجئ لنفسى
مش لان ماعنديش حد لالا لانى ببقا محتاجه اقعد لوحدى


من تختاري ليمسح دموعك؟
جدتى هى احن حد عليااااااا


بتخافى من الموت؟
لالا اصل لازم كلنا ها نموت بعد عمر طويل ان شاء الله ( كل نفس ذائقه الموت) يبقا على ايه الخوف


لو عندك رحله ترفيهيه من تختاري اهلك ولا اصدقائك؟
اصدقائى بس مش معنى كده اننا هانيقا سداح مداح لالا طبعاااااااا لكل شئ حدود
بس الرحله مع الاصدقاء احلى من الخروج مع الاهل


.لو انتى فى من ما و لكى الحق فى تعين موظفين و
كان من ضمن المتقدمين للوظيفه زميله لكى؟بصراحه هتعمليها على انها واحده
ولا هيكون لها اولويه فى التعين؟
لالا طبعا مش ها اظلم حد
والاكفئ هو الى ها اعينه بعيدا عن الصداقه
اصل ده شغل وده جزء من الاقتصاد ومصلحه البلد ماهوش لعب عيال يعنى


.ايه نقطه ضعفك؟
دموووعى
لان دموعى قريبه جدااااااااااا
وممكن فى اى لحظه تخرج وقدام اى حد وفى اى مكاااان
فهى فعلا نقطه ضعفى


ايه شعورك وانتى على الكرسى؟
مبسوووووووووطه جدااااا
لان ترشيحى للكرسى
اثبتلى ان فى ناس فعلا بتحبنى وعايزين يعرفونى شخصياااا
والكرسى بيعمل كده
فعشااااان كده انا مبسوطه جداا جدااااااا



انتى برج ايه؟و فعلا تتفق صفاتك مع صفات البرج ده؟و هل انتى بتومينى بيها؟
انا برج الثور ( وافتخر بكده)
اه فعلا يتفق معاااايا بس فى حاجات مش فعلا يعنى
بصراحه اه اؤمن بيها


لما بتغلطى فى حد بتعتذرى؟
انا اسفه وابوس راس الى غلطت فيه


لو ليكى مصلحه مع حد انتى مش بتقبليه,هتتكلمى معاه و تنفقيه لحد ما مصلحتك تخلص ولا لآ؟
المشكله انه بيبان عليا لما اكون مضايقه من حد
وبدال انا مش قابله الشخص ده من الاول يبقا لا اكلمه ولا اروحله لاى مصلحه ليا
لانه اكيد حاسس بنفس الشعور من نحيتى وعشان كده انا مش عايزه احرج نفسى


يوم فى حياتك بتتمنى تمحيه؟
يوم مادخلت النت هههههههههه


من رايك ايه اجمل لحظه و اصعب لحظه فى حياة الانسان؟

اجمل لحظه لحظه النجاح بعد الكفااااااااااح
اصعب لحظه لحظه الوداااااع والفراق



لو زهقتى من الاسئله قولى و انا هقلل منها
لالا خاااااااااالص
انت ما تعرفش انا قد ايه فرحانه باسئلتك دى
وبجد مرسى على كل الاسئله التحفه دى


عدل سابقا من قبل AYa في الثلاثاء سبتمبر 01, 2009 11:45 am عدل 1 مرات
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الثلاثاء سبتمبر 01, 2009 10:36 am

طيب انت يا هشام مش بينتلها حاجه خااالص
لو حتى بالنظرات
يعنى انت مش مبينلها حاجه طيب ازاى ها تعرف انك بتحبها
بلاش بالكلام ممكن بالتصرفات او بالنظرات
حاول كده
وشوف ردة فعلها ساعتها ايه ؟
اكيد ساعتها ها تلفت انتباه بس انت اعمل اى حاجه
مش لازم كلام دلوقت خليه نظرات او تصرفات
فهمتنى؟
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الثلاثاء سبتمبر 01, 2009 4:35 pm

1.بتعرفى تعومى؟
2.لو شفتى حد بيغرق و انتى مش بتعرفى تعومى هتعملى ايه؟
3.بتعملى تيه فى وقت فراغك؟
4.ايه هوايتك؟
5.بتحبيى البحر؟
6.مين اكتر واحده بتحبيها فى اصحابك؟
7.هسئلك شويا اسئله فل؟
1.ايه رايك فى ثورة البطريق؟
2.الثورة دى كانت فين؟
3.مين منظم الثورة دى؟
4.اوصفيلى مصر فى انهى حته فى خريطه العلم؟
5.مين اللى حط مصر فى خريطه العالم؟
6.يا تري احلامك كانت ايه فى سنه 120 قبل الميلاد؟
7.مين السبب فى قيام حرب العراق؟
8.يومك بيمشى ازاى فى رمضان؟
9.شوفتى كام فيلم عربيى لحد دلوقتى؟
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الثلاثاء سبتمبر 01, 2009 11:04 pm

يالهووووووووى ايه الاسئله دى يا اتش
انت عايز تعقدنى
ما علينا يلا رزقى ورزقك على الله

.بتعرفى تعومى؟
لا مش بعرف اعوم لاسف

لو شفتى حد بيغرق و انتى مش بتعرفى تعومى هتعملى ايه؟
ها احاول اساعده باى طريقه هو هايبقا تضحيه بالروح بس مش مهم
المتقدر ساعتها هو الى لازم يحصل



.بتعملى تيه فى وقت فراغك؟
1* بتفرج على فيلم هندى
2* ممكن اقعد على الكمبيوتر
3* ممكن اكتب شويه شعر على قدى كده



.ايه هوايتك؟
الضحك
والكلام مع الناس والاستماع لمشاكلهم
والفرجه على التلفزيون
وكتابه الشعر


بتحبيى البحر؟
لالالالالالالالالالالالا
بعتبره غدااااااااار ومش بحبه


مين اكتر واحده بتحبيها فى اصحابك؟
كل اصحابى بحبهم
بس بالاخص واحده صاحبتى اسمها اية بردو
يعنى بحب اتكلم معااها واحكلها على حاجات ممكن ابقا مضايقه منها


هسئلك شويا اسئله فل؟
استر يالى بتستر


ايه رايك فى ثورة البطريق؟
يا سلام
دى ثوره ميه ميه واانا شاهده دى ولا ثورة 19 يا سلام
لا والى يزعلك اووى عدد البطاريق الى استشهدو فى الثوره دى يااه ياااه عشرات من البطاريق
يلا الله يرحمهم ويبشبش الطوبه الى تحت راسهم هههههههه


.الثورة دى كانت فين؟
اكيد فى القطب الشمالى مش فى بيتنااااا يعنى ولا فى الصومال
البطريق بيبقا فين ؟ فى القطب الشمالى هو ليه مكان غيره !!


.مين منظم الثورة دى؟
البطريق الاكبر رحمة الله عليه


اوصفيلى مصر فى انهى حته فى خريطه العلم؟
تقع فى الجزء الجنوبى تقريباااااااااا والله اعلم
جنوب شرقى او غربى
اقولك انا اديك البوصله وانت تشوف هههههههه


.مين اللى حط مصر فى خريطه العالم؟
صاحب الخريطه الى رسم الخريطه مصر صعبت عليه قال لما حطها بالمره ولا هى بنت البطه السوده ههههههههههههه


.يا تري احلامك كانت ايه فى سنه 120 قبل الميلاد؟
120 قبل الميلاد
يااااااااه على الدقه
اقولك يا سيدى
كان نفسى اكون نفرتيتى ههههههههههههه


مين السبب فى قيام حرب العراق؟
كانت سنه 1948 تقريبا والله اعلم
واكيد حرب قامت عشان حرب
( على فكره انا كنت فاكره كل الحاجات دى بس يلا الزمن غدااااار قضى على كل معلومه فى دماااااغى وعمو زهايمر شايف واجبه )


يومك بيمشى ازاى فى رمضان؟
كله درووووووووووووووووس مفيش ساعه رحمه والوقت الى ممكن احس فيها بالراحه شويه
قبل الفطار بنصف ساعه وطبعااا ساعتها ببقا مش شايفه قدامى واكيد ببقا نايمه
يعنى الحمدلله مطحوووووووونه


شوفتى كام فيلم عربيى لحد دلوقتى؟
يااااااااااه يا هشام
انت بتسئلنى شوفت كام فيلم عربى على اساس انى هنديه
انا اتفرجت على يجى اكتر من 1000 فيلم واكتر
لانى بموووت فى التلفزيون وافلام الابيض والاسود
وبالنسبه لافلام الاجنبى ممكن نقول حوالى 50 فيلم
ولو هندى حوالى 10 افلام ومش كاملين والله لان الفيلم حوالى 5 ساعات فا مش بعرف اتفرج عليه كله

بس
الرجوع الى أعلى الصفحة اذهب الى الأسفل
rania
عضو برونزى
عضو برونزى
avatar

رقم عضوية : 31
انثى الاسد السٌّمعَة يا باشا : 0
تاريخ التسجيل : 03/07/2009
العمر : 24
المزاج : عادى

مُساهمةموضوع: رد: aya على كرسى الاعتراف   الأربعاء سبتمبر 02, 2009 12:06 am

اهلا ياايه وحشانى بقالى كتير مشوفتكيش وبالنسبه لاخر مكالمه والاشتغالات اللى انتى كنتى بتشتغليهالى

ايه اسم اللى كنتى بتحبيه؟
اتعرفتوا على بعض ازاى؟
كنتوا بتتكلموا على الموبايل ولا فى الدرس ده لو كان معاكى؟
كنتوا بتتقابلوا بره؟

انا عارفه ان ده تطفل بس انا مش هنسالك اى حاجه بتعمليها فيا يامفتريه ولازم الاسئله دى كلها تتجاوب
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الأربعاء سبتمبر 02, 2009 9:11 am

غتاته بغتاته يعنى
والنعمه لما اشوفك

ايه اسم اللى كنتى بتحبيه؟
ماكنلوش اسم
كلها مسميات وماتفرقش بتاتا

اتعرفتوا على بعض ازاى؟
اعتبريه كان حلم

كنتوا بتتكلموا على الموبايل ولا فى الدرس ده لو كان معاكى؟
لالا طبعااااااااالا كده ولا كده
ال موبيل ال ها نهزر اهو



كنتوا بتتقابلوا بره؟
لالالالالالا طبعاااااااااا
ماوصلتش لكده يعنى .

ثم ( ان ده حوار واتقفل وانا مش عايزه اتكلم فيه تاااااااااااااااااااااااااانى )

الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الأربعاء سبتمبر 02, 2009 4:07 pm

1.ما هو مقاييس الاحترام\الاخلاق\الذكاء عندك؟
2.هل حسيتى مره بالذنب بعد قرار ختيه؟
3.هل انتى عصابيه؟
4.بتحبى الهدوء ولا الدوشه؟
5.يقال ان معرفه الناس كنوز موفقه على الكلام ده؟
6.هل انتى متسعه فى اتخاذ قرارتك؟
7.لو واحد من الفنانين اتقدملك تحبيى يكون مين؟
8.ما هى عيوبيك من وجهه نظرك؟
9.و ما هى مميزاتك من وجهه نظرك؟
10.صفات او حاجات شوفتيها فى ناس و قولتى بينك و بين نفسك (انا نفسى ابقى كده)؟
11.امتى بتكونى انانيه؟
12.امتى بتصعب عليكى نفسك؟
13.انتى بخيله ولا؟
14.امنيه تمنيتيها و تحققت؟
15.هل تومنى بالحب من اول نظره؟
16.اتسرقتى قبل كده؟و لو اتسرقتى احكى الموقف؟
17.بتخافى من نظرة الناس ليكى؟و لماذا؟
18.هل تطابق شخصيتك فى المنتدى مع شخصيتك الحقيقيه؟
19.طب كام من عشره تعطى لتطابق شخصيتك فى المنتدى مع شخصيتك الحقيقيه؟
20.اكتر حاجه تخنئق فى البنى ادم اللى قدامك ة اكتر حاجه تخليكى تحبيه؟
21.هدايا لمن تهديها؟
1.ساعه ذهبيه
2.ساعه فضيه
3.عقد لولى
4.موبايل
22.هل انتى شخصيه كثيره الضحك و الهزار؟و هل جلب لكى المشاكل؟امتى؟
32. اخر هديه استلميها من مين؟و ايه المناسبه؟
24.علبه شكولاته حلوة كده تهديها لمين؟بس اوعى تنسي تدينى واحده؟
25.بتخافى من الحسد؟ولماذا؟
26.ايه هى حكمتك فى الحياة؟
27.اكتر قسم مفضل لديكى؟
28.قولنا نكته حلوة؟
29.من هو مطربك المفضل.
30.زهقتى منى ولا لسه؟هههههههههههههه
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الأربعاء سبتمبر 02, 2009 5:41 pm

ما هو مقاييس الاحترام\الاخلاق\الذكاء عندك؟
الاحترام * احترام الصغير قبل الكبير الاحترام فى كل حاجه من اول نظره العين لغايه طريقه التعامل واللبس
اخلاق*= الاحترام
الاخلاق هو التسامح والادب وحااجات كتيرررر
الذكاء* القدره على التعامل مع كل الناس وفى كل المواقف ويكون تعامل بحكمه وفطنه


هل حسيتى مره بالذنب بعد قرار ختيه؟
بصرااحه اه
الاعتراف بالحق فضيله وبالفعل انا حسيت بالذنب فقرار انا اخدته


هل انتى عصابيه؟
اه عصابيه بس عذرى معايا والله
انا بشوف حاجات فعلا تضايق وتعصب وتفقع المراره هههههههههه


بتحبى الهدوء ولا الدوشه؟
بحب الهدوء بس مش لدرجه الملل


يقال ان معرفه الناس كنوز موفقه على الكلام ده؟
طبعاااااااا كنوز مفيش اجمل من حب الناس ومكسبهم


هل انتى متسعه فى اتخاذ قرارتك؟
اه ببص على كل الجوانب قبل ما اقول اه او لا


لو واحد من الفنانين اتقدملك تحبيى يكون مين؟
ههههههههههههه ايه السؤال المحرج ده
بص الفنان ان ماكنش انسان يبقا اى كلام
اصل مش هايفضل طول عمره فنان لكن ها يفضل طول عمره انسان
فاانا لو لقيت فنان وجواه فعلا انسان واتقدملى طبعاا ها اوافق عليه
والله اعلم بقا مين


ما هى عيوبيك من وجهه نظرك؟
العصبيه
الى هى اساس كل حاجه



ما هى مميزاتك من وجهه نظرك؟
الضحك والمرح والطيبه


صفات او حاجات شوفتيها فى ناس و قولتى بينك و بين نفسك (انا نفسى ابقى كده)؟
القرب من ربنا اووى لما اشوف حد قريب اوى من ربنا بقول ماشاء الله عقباااالى يارب
وفى كمان حب الناس لما الاقى حد كل الناس بتحبه بقول يا بختك بحب كل الناس دى وبقول ماشاء الله عقبااااااالى بردو


امتى بتكونى انانيه؟
لما بلاقى الى قدامى ما يستاهلش الى معايا ساعتها لازم اكون انانيه


.امتى بتصعب عليكى نفسك؟
لما بظلم ومابعرفش ادافع عن نفسى
ولما الاقى كل الدنيا فوق دماااااغى ومش عارفه اعمل حاجه


.انتى بخيله ولا؟
انا لالالالالا خالص والله
الحمدلله الحمدلله مش بخيله ابدااااااااا


امنيه تمنيتيها و تحققت؟
نفسى ارفع راس اهلى
دى اعظم امنيه ليااا ونفسى تتحقق


هل تومنى بالحب من اول نظره؟
الله اعلم والله ماجربته
لما اجرب ساعتها ابقا اقول لكن انا والله ما اعرف


اتسرقتى قبل كده؟و لو اتسرقتى احكى الموقف؟
هههههههههههههه
اه زماااااان بس زمااان اوى يعنى فى الابتدائ ( كان كلام عيال) يعنى
بس الى كان يضايق مفيش صوره ليا حطتها فى لوحه شرف الا وما اسرقت ههههههههه



بتخافى من نظرة الناس ليكى؟و لماذا؟
والله انا مش بعمل حاجه غلط اخاف اتحاسب عليه
بدال انا بتعامل وماشيه بما يرضى الله ويرضى نفسى ويرضى اهلى يبقا ماحدش لا يكلمنى كلمه ولا يبصلى ولو بصه واحده


.هل تطابق شخصيتك فى المنتدى مع شخصيتك الحقيقيه؟
جداااااااا جداااااااا جداااااااااااااا
انا عمرى ما ابقا بشخصيتين ده حتى يتعبنى نفسيااااااااا
ازاى هنا بكلام وشخصيه وهناك شخصيه وكلام تاااانى
نو وااااااااى طبعاااااا


طب كام من عشره تعطى لتطابق شخصيتك فى المنتدى مع شخصيتك الحقيقيه؟
100% بدون تفكيررر
واكبر دليل انى معايا هنا قرايب ليا ولاد خالتى وقرايب ليهم
شوفو بتعامل معاهم ازاى وبنتكلم فى ايه ممكن نتكلم فى اى حاجه حتى لو شخصيه بيناااا
انا شخصيتى هنا زى فى الحقيقه ولو طلعت المريخ ها تفضل كده بردو


اكتر حاجه تخنئق فى البنى ادم اللى قدامك ة اكتر حاجه تخليكى تحبيه؟
تخنقنى منه *
انه يفرد نفسه عليااااااا ويفرد كلامه وثقافته عليااااااا
ياعم انت ليك اعتقاداتك وتفكيرك اوك خليه لنفسك
انا فى غنى عن كلامك
لكن ده لالا نقول يمين يروح شمال
وممكن حاجه كمان
التفاهه وقله العقل يااااااااااااااه ما اكرهش فى حياتى اكتر من التفاهه

والحاجه الى تحببنى فيه*
خفه دمه وثقافته


هدايا لمن تهديها؟
لجدتى

.ساعه ذهبيه
لجدتى

ساعه فضيه
لوالدى


عقد لولى
ليا


.موبايل
لواحده صاحبتى



22.هل انتى شخصيه كثيره الضحك و الهزار؟و هل جلب لكى المشاكل؟امتى؟
انا بمووووووووووت فى الضحك
وفى اى وقت وفى اى مكان ولاى حد
وبيجبلى مشااااااااكل بالهبل هههههههه
مثلا ماشيه فى الشارع الاقى واحده بتبصلى اقوم اناا ضحكه ليها يالهوى تفكرنى بضحك عليهاا وعلى البصه الى تبصلهالى بصه غضب بقا
انا كمان بحب لما اكون مضايقه وفى جو كئيب اضحك ما احبش اعيش فى جو كئيب
يقوم الى معايا يقولى بتضحكى عليه اقوله انا مش بحب الكابه وبضحك وهضحك علطووووووول


اخر هديه استلميها من مين؟و ايه المناسبه؟
اه برايه ههههههههه
من والدتى لانى كنت محتجاها اوووى عشان الاحيااااء
لانى مش بحب الاقلام الاسنان لان سنها مش بيعجبنى فابجيب اقلام عاديه وابريها لانى بحب احدد على رسمتى واوضحها والقلم الاسنان ما بيرحنيش عشان كده مااما جابتلى برايه لكن تحفه والله


علبه شكولاته حلوة كده تهديها لمين؟بس اوعى تنسي تدينى واحده؟
دا انت تاخدها كلها يا اتش
ها اديها لجدتى


بتخافى من الحسد؟ولماذا؟
اه جدااااااااااا
لكن ماشيه بمبدأ قدر الله ماشاء فعل
لكن الحسد موجود وفعلا بيحصل


ايه هى حكمتك فى الحياة؟
لكل كلمه اذن ولعل اذنك ليست لكلامى فلل تتهمنى بالغموض


اكتر قسم مفضل لديكى؟
كرسى الاعتراف
لانى بحس انى عرفت كل الاعضاء شخصيااااا وكانى عرفاهم من سنين



.قولنا نكته حلوة؟
بيقولك مره
مزرعه لارانب جمب مزرعه فيها جذر
فالمهم كل يوم صاحب الجذر يروح الحقل بتاعه يلاقى الجذر متاكل كل يوم كل يوم كل يوم
فا قام رايح لمزرعه الارانب دى ومعاه شاكوش وكسر بيه كل اسنان الارانب
فرجع تاانى يوم لاقى الجذر بردو متاكل
فراح بسرعه وسئل الارانب انتم عملتو ايه
قالولو ( عثرناه وشربناه)
ههههههههههههههههه

من هو مطربك المفضل.
حسام حبيب اولا
تامر عاشور ثانيا



زهقتى منى ولا لسه؟
لالالالالالالا
انا معاك لغايه لما تقول ستوب انا الى زهقت ههههههههههه

وتسلم على الاسئله يا اتش
الرجوع الى أعلى الصفحة اذهب الى الأسفل
rania
عضو برونزى
عضو برونزى
avatar

رقم عضوية : 31
انثى الاسد السٌّمعَة يا باشا : 0
تاريخ التسجيل : 03/07/2009
العمر : 24
المزاج : عادى

مُساهمةموضوع: رد: aya على كرسى الاعتراف   الخميس سبتمبر 03, 2009 1:30 am

لاء بجد ياايه اجابتك على اسالتى افادتنا بجد مفيش ولا رد عدل مااااااااااااااااااااااااااااااااشى
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الخميس سبتمبر 03, 2009 1:49 am

لما نشوف مين اللى هيزهق يا شابه
ههههههههههههه
1.عمرك شوفتى عفريت؟
2.فى قاموسك ما معنى كلا من مع ذكر موقف اتعرضتى له يدل على هذا المعنى؟
.الاخلاص
.الحب
.الوفاء
.الصداقه
.التسامح
.الكذب
.الخيانه
.النجاح
.الفشل
3.ايه رايك فى العبارات التاليه؟
.كل شئ قسمه و نصيب
.الباب اللى يجيلك منه الريح سده و استريح
.فتش عن المرأه
.الحب يصنع المعجزات
.ان كيدهن عظيم
.ضل راجل ولا ضل حيطة
.من ازداد علما ازداد هما
.لكل مقام مقام
.لاجل الورد يتسقى العليق
.وراء كل عظيم امرأه
4.رشحى ناس فى المنتدى هنا المناصب التاليه؟
.رئيس الجمهوريه
.رئيس الوزراء
.وزير الرياضه
.وزير المالية
.وزير الدفاع
.وزير التربيه و التعليم
.وزير الدخليه
.وزير الخارجيه
.وزير الاوقاف
.وزير البترول
5.نفسك تشترى قطه ولا كلب ويكون اساميهم ايه؟
6.كلمه مش بنحبيى حد يقولها؟
7.حد ضربك بالالم قبل كده؟و لو فى مين؟وايه هو الموقف؟
8.ايه نصحتك لكل شخص؟
.كسول
.جرئ اكتر من الازم
.خجول اكتر من الازم
.متشائم
.انانى
.متكبر
.بخيل
9.لمن تهديها؟
.ورده حمراه
.نظرة عتاب
.ورده بيضاء
.همسه عتاب
.بسمه الم
.كلمه شكر
الله لا يحرمنى منك

بس يا ستى كفايه عليكى كده
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الخميس سبتمبر 03, 2009 9:28 am

رانيا مشكلتك انك فاهمه غلط
فاهمه ان فى حاجه مستخبيه عليكى وفى قصه وروايه وافلام وانت لازم تعرفيها
شعورك ده هو الى معذبك ومخليك متطفله ههههههههه
والله العظيم يابت يا رانيا مافى حااااجه
ولا فى قصص ولا افلام ولا رويااااات
اهبطى بقاااااااا
واسئلينى اسئله عدله وفكك بقا من السوس الى فى دماغك ده
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الخميس سبتمبر 03, 2009 10:26 am

وحياتك يا هشام ما هزهق هههههههههههه
نفسى طويل انا على فكره
ومعاك لاخر


1.عمرك شوفتى عفريت؟
لا طبعاااااااا لكن هو هلاوس فى دماغى بالنسبه للعفاريت دى
يعنى ساعات بحس ان فعلا فى عفاريت وكده
واكمننا كمان اتربينا على ام رجل مسلوخه وستنا العوه ههههههههههههه
مش عايزنى افكر فى العفاريت !!


الاخلاص
شدة الحب واساس نجاح اى حااااجه فى الدنيا
موقف *والله عموما انا الحمدلله الحمدلله الحمدلله مخلصه جداااا مع اصحابى سواء فى تعاملى معاهم او بالكلام عليهم


الحب
سر وجودنا فى الدنيااااااا وهو العصا السحريه فى تحويل الناس من شيطايين لملايكه
موقف* الحمدلله انا بحب كل الناااااااااس وبحب ماما وبحب بابا وبحب اخويا ههههههههه
لكن حب الى هو حب يعنى الى احنا عارفينه ده
يبقا لسه بدرررى عليه


الوفاء
الوفاء مش هااعرف اعبر عن الكلمه دى لانها الوحيده الى تتحس والوحيده النااااااااااادره مينفعش اعبر عنها بحبه كلامات لالا
الموقف* تيت تيت تيت تيت
..................................


الصداقه
كنزى وثروتى الحقيقه والشئ الى برفع راسى بيه اصدقااااائى هما كل شئ فى حياتى
موقف* انا ممكن اعمل اى شئ لواحده صاحبتى
مره كنت ماشيه انا وواحده صاحبتى فى تكتك غبى كان داخل علينا بس هى الى كانت ماشيه نحيته يعنى ناحيه اليمين تقريبا فاانا من خوفى عليها قومت زقها عشان ماتدخلش فيه وكنت انا الى ها ادخل فيه بس الحمدلله حصل خيررررر ساعتها وكل شئ كان بخيرر
الحمدلله


التسامح
لوماكنتش بسامح ماكنتش زمانى لسه عايشه كان زمااااااانى مت من زمان
من كتر ما هااشيل جوايا ومش ها اسامح
موقف* انا بسامح اى حد غلطت فيا واعترف بغلطه فعلا لان مفيش حاجه فى الدنيا تستاهل تزعلنا من بعض او انا ازعل من حد



الكذب
هو موت كل المشااااااااااااعر والاحاسيس الطيبه
هو موت الحب
موقف* الله اعلم بقا ان كان حد كذب عليا او بيكذب عليا الله اعلم
انما الاعمال بالنيات بقا


الخيانه
يااعوذو بالله منهااااااااااا
اوحش حااااااااااااااجه فى الدنياااا
موقف * خيانه صاحبتى ليا ...


النجاح
ياااااااااااااه اجمل حاجه فى الدنياااااااا وهى المكأفاه عن تعب وارهاااااااق وشد اعصاب يااااااااابخت الى ينجح وينول النجاااااح
موقف* اول مره احس بحلاوه النجاح كانت السنه دى ياااااااااااااه اول مره احس يعنى ايه ؟ دموع الفرح
الحمدلله الحمدلله الحمدلله


الفشل
مكأفاه المهمل
لان ربنا عمره ما يضيع مجهود حد
على قد ما ها تعمل على قد ما هاتلاقى
ربنا ما بيظلمش حد ابداااااااااا
موقف* الحمدلله الحمدلله الحمدلله الف حمد والف شكر ليك يارب
عمرى ما اتعرضت للفشل لا فى حياتى العلميه ولا العمليه


ايه رايك فى العبارات التاليه؟

كل شئ قسمه و نصيب
اكيد طبعااااااااااااا
الواحد يعمل الى هوعايزه وكافح واتعب بس بردو كل شئ قسمه ونصيب والى مكتوب على الجبين لازم تشوفه العين

.الباب اللى يجيلك منه الريح سده و استريح
والله مش فى كل الحالات
لو الباب ده وراه حقى
لالا طبعاااااااااا افتحه وعلى اخره كمااااااان ده حقى ومن نصيبى واخده من نن عين الى واخده منى
لكن لو مش وراه حقى ولا حاجه تخصنى ومش هايجى من وراه غير المشاكل لالا طبعا عمرى ما افتحه وخلينى فى حالى احسن


فتش عن المرأه
لالالالالالالا
مش بايدها انا العباره دى
لالا الراجل ما يفتش عن المراه لالالالالالالالالا



الحب يصنع المعجزات
بلا نقاااااااااش
طبعا طبعااااااااااااا


ان كيدهن عظيم
ههههههههههه
طبعاااااااااااااااا
الست لما تحب وتوفى بتدى كل حاااااااجه فى المقابل عايزه حب وحنان
لكن لو ادت كل حاااااااجه ومالقتش ولا حاجه ساعتها ممكن تتحول لكائن تاااااااانى خااااالص
2* الست لما تحط حااااجه فى دماغها بتعملها بتعملها وكذالك لو حطت راجل فى دماغها بتجيبو بتجيبو هههههههههه



ضل راجل ولا ضل حيطة
لالالالالالالالالالالالالالا
ساعات ضل الحيطه بيبقا احسن من ضل الراجل
وفى رجاااااله حسبى الله ونعمه الوكيل فيهم بجد بيهدلوووو الى معاهم
هما الى يقعدوو فى البيت معززين ومكرمين والستات هما الى يشتغلو ويطلع عينهم
انا بقول كده مش من فرااااااااااااااااغ
انا اتقالى حاااااجات من ناااااااس بجد تاكد ان ضل الحيطه بيبقا ساعات كتير احسن من ضل الحيطه
لكن ارجع واقول صوابعك مش زى بعضها وزى مافى وحش فى حلو


من ازداد علما ازداد هما
لالالالالالا طبعا
العلم عمره ماكان هم
العلم والثقافه دول سحر والله العظيم
ممكن تسحر بيه البنى ادم وانت مش ساااااااااحر لمجرد انك مثقف ومتعلم وواعى
بس تقول لمين بقا؟؟!


لكل مقام مقام
اكيد طبعاااااااااااااااااااااا
ده كلام ربنا سبحانه وتعالى فى القرأن الكريم بياكد كده
طبعاااااااااا لكل واحد مقااااامه


.لاجل الورد يتسقى العليق
والله سااعات وساعات
يعنى اضربلك مثل
عندك واحده ها تتزوج من واحد بس حمتها ست لا تطاااااااااق بس فى نفس الوقت الزوج ده مفيش زيه وبتحبه وعيزاه
ساعتها هاتقول ايه؟ هاتقول لاجل الورد يتسقى العليق
لكن الناس الى تضرب المثل ده وتبنى بيه قصص كذب وخدااااع ونفااااق لالا طبعااااااااااااا


وراء كل عظيم امرأه
اكيد
اى حاجه حلوووه فى الدنيا اصلها المرأه والله مش بقول كده محازاه للنساء لالا ولله
فعلا وراء كل رجل عظيم امراه عظيمه


رشحى ناس فى المنتدى هنا المناصب التاليه؟

.رئيس الجمهوريه
شادى

رئيس الوزراء
انا لمؤاخذه يعنى هههههههههه


وزير الرياضه
ميدووو


وزير المالية
هشام


وزير الدفاع
مين مين مين
احمد

وزير التربيه و التعليم
مصطفى


وزير الدخليه
شادى


.وزير الخارجيه
رانيا
كده يبقا رحنا فى داهيه خلاص ههههههههه



وزير الاوقاف
انا


وزير البترول
لهشام


نفسك تشترى قطه ولا كلب ويكون اساميهم ايه؟
لالا كده ولا كده
اولا لان الكلاب حراام تدخل البيت وثم انى ناقصه قرف هههههههه
ولا قطط لانها بتجيب امراض وحشه على الولد والبنت
فالواحد مش ناقص يعنى
والباب الى يجيلك منه الريح سده واستريح


كلمه مش بنحبيى حد يقولها؟
ما تكلمنيش تااااااااااااانى
خلاص يبقا كل شئ انتهى


حد ضربك بالالم قبل كده؟و لو فى مين؟وايه هو الموقف؟
ليه الاحراج ده
لا مش ها اجاوب لانى بضاايق وبفتكر حاااااااجات مر عليها سنين وسنين
وبرجع ازعل من نااس كنت نسيت الى حصل منها
حتى لو الواحد كان صغير فا بيفضل فاكر كل ذكرى مؤلمه مرت عليه فى حيااته


ايه نصحتك لكل شخص؟

كسول
حرام عليك نفسك وقوم بقاااااااا
الواحد مش بيعيش غير مره وااحده وانت ها تفضل كسول وتقضيها كسل
قوم قوم قوووووووم


جرئ اكتر من الازم
مش كده يعنى الواحد لازم يكون وسط لا جرئ او عشان ماتزعلش النااااس ولا تبقا خجول وتمشى توطى راسك فى الارض


خجول اكتر من الازم
ليه انت خجول؟
لو شايف ان فيك حاجه فعلا تخليك خجول ومكسوف دايما اتفضل عيش حياتك وانت خجول
لكن اعرف ان ربنا خلق الانسان كاااامل مفيش فيه حاجه ناقصه تخليه يبقا مكسوف او خجول
يبقا لاسف العيب منك انت
ولو راضى تكمل حياتك وانت حاسس ان فيك حاااااجه تخجلك او تكسفك اتفضل كمل
لكن مش شطاااااره انك تبقا خجول اووى


متشائم
يوم ليك ويوم عليك
وزى ما انت حاسس دايما ان كل الايام عليك صدقنى فى ايام عليك
التشاؤم ده اوحش حاجه فى الدنيا ده بموت بس بالبطئ


انانى
على ايه انت انانى
ده يبقولك لقمه هنيه تكفى ميه
اى حااااجه ربنا اعطهالك بتبقا ليك ولغيرك مش ليك لواحدك ربنا لما بيعطيك نعمه بيختبرك بيها يشوفك ها تكرم الى حوليك وتفرحهم معااك
ولا هاتبقا طمع وجشع وميملاش عينك الا التراب !!


متكبر
على ايه!!
لازم تعرف ان فى احسن منك الاف من الناااااس
بس هما مش متكربين ومش شايفين نفسهم زيك عشان كده ربنا حاميهم وهايدوم عليهم النعمه والخير بتاعه
لكن انت الى جبته لنفسك بتكبرك ده وهاتشوف غضب ربنا عليك هايبقا عامل ازاى!!


بخيل
ههههههههههه
ياراجل اصرف وانت هاتعيش كم مره !!
ماانت ضامن نصحى بكره تلاقى نفسك عايش لكن دلوقت انت عايش عيش ومتع نفسك ومتع عيالك بس كل شئ بحدود ربنا


لمن تهديها؟
لجدتى

.نظرة عتاب
لصاحبتى

ورده بيضاء
لاخويا

همسه عتاب
لناس كتيرررر يلا الحمدلله


بسمه الم
لنفسى و........

كلمه شكر
ليك طبعااااا يا هشاااام ربنا يخليك يارب بجد والله فرحتنى باسئلتك دى

الله لا يحرمنى منك

والدى

هشام فى الاخر بقا عايزه اقولك بجد
انا متشكره جدااااااااااااا على كم الاسئله دى
انا مبسوطه جدااا بيها لانك اديت فرصه لناس كتيرر تعرفنى شخصيا واحنا ماكلمناش بعض
وفى نفس الوقت اديت فرصه لاى حد واخد عنى فكره وحشه يصلحها عنى
بجد بجد شكراااااااااااااا يا هشام

وعايزه اسئلك اانا بقا سؤال
من خلال كل الاسئله دى واجاباتى عليها
اكيد طبعا طلعت بتحليل لشخصيتى صح؟ وانطبااااع بردو
ممكن بقا تقولهولى !!
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الخميس سبتمبر 03, 2009 3:13 pm

1.بتحبى الصيف ولا الشتاء اكتر وليه؟
2.علشان نبقا حلوين مع بعض انتى اهلاويه ولا للاسف زملاكويه؟
3.هل انتى تحبى تكونى احلى امراءه فى الدنيا؟
4.لو انتى قعدتى مع بشر اجانب بيتكلموا لغه غريبه عليكى انتى ممكن تعملى ايه؟
5.لو فى حمامه وقفت على شباكك هتاخد منك رساله لاى حد قولى هتبعتى الرساله لمين و هتقولى فيها ايه؟
6.انتى ممكن توفقى على الجواز التقليدى ولا لا و ايه السبب؟
7.انتي ممكن تتجوزى واحد اكبر منك بكتير ولا؟
8.لو حد بيعاكسك برخامه فى الشارع لدرجه انه ماشى وراكى هتعملى ايه وهل ممكن تصوتى وتلمى الناس هههههههه؟
9.عمرك غشيتى فى امتحان قبل كده بالصراحه؟
10.ايه اول انطباع بتاخذه الناس عنك و هل هو صحيح؟
11.امتى اول تغير حصلك فى شخصيتك؟
12.ليه الفتيات اشطر من الشباب من وجهه نظرك؟
13.لما بتظلمى بتسامحى بسهوله ولا؟
14.هل انتى بتتعلمى من اخطائك؟
15.لو معاكىمليون جنيه دلوقتى ممكن تعملى بيها ايه؟
16.لما بتروخى فرح بتعملى ايه؟
.بترقصى
.تعقدى تاكلى
.تصفقى و خلاص
17.ايه اكتر الالعاب اللى بتحبى تلعبيها دايما؟
18.عمرك شعرتى بالغربه؟ولو اه امتى؟
19.كيف تحكمين على الاخرين؟
20.هل انتى بتؤمنى بالرؤى و الاحلام؟
21.لو النبى(صلى الله عليه وسلام)جيه و خبط على الباب هتعملى ايه؟
22.ايه هو انطباعك عنى؟
23.عملتى قبل كده مشاكل لولدك بسببك؟
24.فى مشاكل فى حياتك؟
25.و بتوجهى المشاكل ازاى؟
26. بتصلى التراويح ولا؟
27.انتى فى الجزء الكام دلوقتى؟
28.قال رسول الله صلى الله عليه وسلم
اصحابى كالنجوم بايهم اقتديتم اهتديتم
مين اكتر صحابى انتى بتحبيه؟
29.انتى محجبه ولا؟
30.انتى عايزه تدخلى كليه ايه؟

انتى هنا تتسالى بس مش تسالى
بس انا هقولك انطباعى فى الاخر
علشان لسه فى اسئله
انتى لسه شوفتى حاجه
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الخميس سبتمبر 03, 2009 4:52 pm

تمام يا اتش وانا جاهز ومعاك لحد ما تزهق

.بتحبى الصيف ولا الشتاء اكتر وليه؟
لا الشتاء طبعااااا
اولا لان شتاء مصر دافئ مش تلج ورعد وكده وثانيا لان مفيش فيه شمس


علشان نبقا حلوين مع بعض انتى اهلاويه ولا للاسف زملاكويه؟
اقولك حاجه
انا والدى زملكاوى ومتعصب جدااااااا
وعموما انا ماليش فى الكوره لا زمالك ولا اهلى


.هل انتى تحبى تكونى احلى امراءه فى الدنيا؟
ها اقولك حكمه انا بحبها اوى وهاتفهم بيها ردى
( الريش الجميل ليس كافيا ليصنع طائر جميل) فهمتنى
ثم ان الجمال والحلاوه دى عند كل الناس ربنا ما خلقش حد وحش وفى احسن صوره ربنا خلقك يبقا كده احلى حد ومش لازم يكون على العالم


لو انتى قعدتى مع بشر اجانب بيتكلموا لغه غريبه عليكى انتى ممكن تعملى ايه؟
ها افهم كلامهم مش لازم بالغه لكن ممكن افهمها بتعبيرات الوجه وحركات ايديهم وبصات عينهم ساعتها ممكن افهم وواعرف ارد عليهم وغرابه بغرابه بقا


لو فى حمامه وقفت على شباكك هتاخد منك رساله لاى حد قولى هتبعتى الرساله لمين و هتقولى فيها ايه؟
للنتى الله يرحمها ( والدة بابا) ها اقولها انا بحبك اووى والله وياريت ماتكنيش زعلانه منى فى اى حاجه


انتى ممكن توفقى على الجواز التقليدى ولا لا و ايه السبب؟
والله اى ارتباط قائم على التفاهم والاحترام المتبادل ساعتها ها ينجح ومش مهم تقليدى بقا ولا مش تقليدى
ومين عارف بكره ممكن يحصل فى ايه؟


انتي ممكن تتجوزى واحد اكبر منك بكتير ولا؟
انا اساسا عايزه ارتبط بحد اكبر منى وياسلام لو ب 3 او 4 سنين
ياااااااااه
بص يا هشام انا مش عايزه احب حد يكون قدى
اولا لان انا دماغى كبيره وتفكيرى كبير وانا محتاجه الى يحتوينى وهو الى يكون متحمل المسؤليه عشان كده بفضل الارتباط بحد اكبر منى



لو حد بيعاكسك برخامه فى الشارع لدرجه انه ماشى وراكى هتعملى ايه وهل ممكن تصوتى وتلمى الناس هههههههه؟
ههههههههههههههههه لا طبعااااااا
ولا ها اعمله اى اهتمام وكأنه مش موجود اساسا
لانى لو عرفته انى واخده بالى او ادتله اهتمام ممكن الامر يتطور من المشى ورايا لمحاوله انه يكلمنى فعشان كده مش ها اديله اى اهتمام



عمرك غشيتى فى امتحان قبل كده بالصراحه؟
زمااان اه لانى كنت بحب اريح دماغى
وعلى فكره انا اساسا دماغى نضيفه والى كنت بغشه كنت بغشه غلط وفى الاغلبيه المواقف كان بيقا غلط ومع ذالك ماكنتش بحرم
لكن الحمدلله الحمدلله الحمدلله من اول ما حطيت رجلى فى مدرسه الثانوى وانا ماعملتهااااااااش وتقريبا فى تلاته اعدادى
بس اصلك عارف يا هشام لما يكون الجو موهيئلك لكده غصب عنك ها تعمل كده حتى لو بتراجع وثم ان الشيطان شاطر بردو هههههههههه
لكن ننسى زمان وخلينا فى دلوقت اهم حاجه



ايه اول انطباع بتاخذه الناس عنك و هل هو صحيح؟
او انطباع بيبقا فى صالحى وهو انى اجتماعيه وطيبه وتلقائيه وده فعلا صح


امتى اول تغير حصلك فى شخصيتك؟
فى اولى اعدادى
ساعتها قولت لالا انا لازم يبقا شخصيتى المستقله بذاتى وابين للى حوليا انى فعلا عندى شخصيه وشخصيه قويه كمان
وده فعلا انعكس عليا بره بقيت بمشى وانا راسى مرفوعه لفوق وفارده دهرى وده انعكاس للناس الى بره ان شخصيتى قويه وانى مش اى حد
الحمدلله الحمدلله


.ليه الفتيات اشطر من الشباب من وجهه نظرك؟
لان البنات عندها صبر وخلقهااا واسع عندها استعداد تقعد وتزاكر وترسى لكن الولد فى دماغه الف حاجه وبالزات لو حب بقا كده يبقا ضاع هههههههههه


لما بتظلمى بتسامحى بسهوله ولا؟
بسامح اه لكن مش بنسى
لان مش سهل انك تظلم مش سهل خااااااااااااااااالص


هل انتى بتتعلمى من اخطائك؟
الحمدلله الحمدلله الحمدلله
على قد مااقدر بحاول اتعلم منها


لو معاكىمليون جنيه دلوقتى ممكن تعملى بيها ايه؟
اتبرع بيهم كلهم لمستشفيات مصر العامه كلهم
لانى مش محتاجه فلوس ومش عيزاهم فى غيرى فى امث الحاجه ليهم وهما اولى منى


.لما بتروحى فرح بتعملى ايه؟

بترقصى
دى مستحيله

تعقدى تاكلى
واحنا ماعندناش اكل فى بيتنا
لا دى بردو مستحيله

تصفقى و خلاص
حلوه دى معقوله ماله التصقيف ماله ههههههههههه


ايه اكتر الالعاب اللى بتحبى تلعبيها دايما؟
العاب الذكاء وخاصه اوجد الاختلافات وتكوين الصور

عمرك شعرتى بالغربه؟ولو اه امتى؟
اه فى اغلب الاوقات
لما بلاقى الى قدامى مش فاهمنى سعتها بحس انى فعلا غريبه
لما اتظلم بحس انى غريبه فى زمن اغرب


كيف تحكمين على الاخرين؟
من خلال كلامهم وطريقه تفكيرهم وبعيدا عن المظاهر والشكل الخارجى لان فى مثل بيقولك( يا واخد القرد على ماله بكره يضيع المال ويفضل القرد على حاله)



هل انتى بتؤمنى بالرؤى و الاحلام؟
جداااا جدااااا جدااااااا
لانها علامات من الله سبحانه وتعالى ليا
بس لاسف مش بعرف افسرها


لو النبى(صلى الله عليه وسلام)جيه و خبط على الباب هتعملى ايه؟
يالهوووى انا مش ها اعمل حاجه غير انى اعيط من شدة الفرحه
ياااااااااااه والله العظيم ما هااصدق نفسى


.ايه هو انطباعك عنى؟
انت بجد حد عسل اووى والله بحس انى مسؤله عنك ده مش تقليل من قمتك ابداااااااااا لكن من كتر كلامى معاك حسيت انك مسؤل منى
عارف يا هشام انا اصحابى مسمياهم ولادى والله العظيم ليا اصحاب ليا هما قليلين شويه فى حجمهم وفى طولهم اول ما بشوفهم بروحلهم واقولهم ولادى واحضنهم وابوسهم واسلم عليهم واقولهم ايه اخباركو واطمن عليهم كانهم ولادى بالضبط
بحس انى بفهمك فعلا وبفهم قصدك
بس انت حد عنيد اووى يا هشام ومحتاج الى يسايس فيك مش كده؟


عملتى قبل كده مشاكل لولدك بسببك؟
لالا دا انا غلبانه هههههههههه
لا والله ماعملتش حاجه بس انا شقيه اووووى وبابا بيكرها الشقاوه فا ممكن يحصل احتكاك بينا بس بيتحل علطول
بابا ده حبيبى اساسا وصاحبى


فى مشاكل فى حياتك؟
لالالالالالالالا عمرى ما قولت انى فى مشكله ابداااااااااا
راضيه بحالى ولو عندى مشكله وجامده بنام بجد والله واصحى الصبح الاقيها اتحلت لوحدها والله بجد


بتصلى التراويح ولا؟
لاسف لا مش بلاقى حد اروح معاه والله انا زعلانه جدااااااااااا
وغصب عنى



.انتى فى الجزء الكام دلوقتى؟
انا لسه فى الاول عشان انت عارف ان فى دروس كتيررر ومرواح ومجى عشان كده فى الاول



.قال رسول الله صلى الله عليه وسلم
اصحابى كالنجوم بايهم اقتديتم اهتديتم
مين اكتر صحابى انتى بتحبيه؟

الصديق أبو بكر
عمر بن الخطاب


.انتى محجبه ولا؟
اكيد طبعااااااااا
مش كبيره وعاقله وبالغه اكيد طبعااا محجبه
انا محجبه من 6 ابتدائ


.انتى عايزه تدخلى كليه ايه؟
نفسى ادخل كليه طب قسم امراض نفسيه وعصبيه واعمل دراسات عليا
فى علم التنميه البشريه عشان يكملو بعض



انتى هنا تتسالى بس مش تسالى
بس انا هقولك انطباعى فى الاخر
علشان لسه فى اسئله
انتى لسه شوفتى حاجه
تمام
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الجمعة سبتمبر 04, 2009 12:01 am

انتى فاكره اللى انتى اتسالتيه من دول اسئله؟
لا يا ماما لسه الكبير جاى
و انا هثبتلك انى كبير
و الكبير الاكبر هو الله سيحانه و تعالى
بس بجد يا اية
انتى انسانه مثقافه و ارائك جميله جداااااااااااااااااا
و حد الواحد يحب يتكلم معاكى ويحكيله على اى حاجه
و كمان انتى تعتبرى فاكهه المنتدى
و ليكى بصمه فى المنتدى
و لما تدخلى المنتدى بينور
وانا بعتبرك اخت ليا
و يا رب انتى كمان تعتبرين زى اخوكى
و متزعليش من الاسئله
ده قدرك و مكتوب
حلوة اللهجه الحنينه دى
بس برضوا و ربنا لوريكى فى الاسئله
و كل سنه وانتى طيبه
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الجمعة سبتمبر 04, 2009 2:24 am

يالا نبدا
1.ايه المسلسلات اللى بتبعيها فى رمضان؟
2.تعرفى ايه عن ثوره 18 قصدى ثوره 20؟
3.مين قائد الثوره دى؟
4.تعرفى ايه عن مصر؟
5.هل عجبيك احوال مصر حاليا ولا لا؟
6.تعرفى مين هى الدوله اللى اخترعت فكره الفنكوش؟
7.النت بيمثلك ايه؟
8.اصدقاءك اللى بجدعددهم قد ايه؟
9.بتحبيى الاطفال بنسبه قد ايه؟
10.لو اشتغلتى فى وظيفه ازاى ممكن تبدعى فيها؟
11.ايه موصفات فتى كوبيسك قصدى فتى احلامك؟
12.ايه المكان اللى نفسك تروحيه؟
13.بتحبيى السفر و التنقل ام بيوتيه؟
و بعد ما تجوبى على السئله دى ادعيلى بعوده قويه
و اسئله تانيه
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الجمعة سبتمبر 04, 2009 10:40 am

ما بلحقش اتهنى باللهجه الحنينه دى ههههههههههه
اقولك حاجه يا هشام
انا لو مش معتبراك زى اخويا بالضبط
اولا ماكنتش اتكلمت معاك ثانيا ماكنتش تدخلت فى شؤنك الى تعتبر الى حدما شخصيه
ياواد دا انا بقولك بحسك مسؤل منى ههههههههه
فى اخوه اكتر من كده ؟
وبالنسبه لفاكهه المنتدى والبصمه والحاجات دى
انا لو فعلا حاجه كويسه فدا عشان انتم عايزين تشوفونى كده وعشان الابيض من جوه بيشوف كل الناس بيضه زيه
وعلى فكره لقب فاكهه المنتدى ده اتقااااالى كتير
كنت فى منتدى ما قبل ما اجى هنا بص كان بيتى التانى والله العظيم يا هشام هو اسمه بيت العز وفعلا هو بيت العز وانا اصغر واحده فى وسطهم فايعنى بقا على الدلع هههههههه وكانو دايما يقولولى فاكهه المنتدى ما انا اخر العنقود

وانت بصحه وسلامه وكل سنه وانت طيب
واعرف يا هشام ان انا اختك الرابعه مش ليك 3 انا بقا رقم 4 اى حااجه عايز تقولها وتفضفض بيها تعالى وقولها ما احنا اخوات بقا

وانا جاهز لاى اسئله تااانيه
ومعاك بردو لاخر
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الجمعة سبتمبر 04, 2009 11:00 am

ايه المسلسلات اللى بتبعيها فى رمضان؟
لا مش بحب اتفرج على مسلسلات ابداااا
اقعد 30 يوم ب 30 حلقه ولما الحلقه تخلص اقعد متنكده لانى كنت منسجمه معاها
واقعد وافكر ياترى مين قتل مين ومين سرق مين
مش هلاقى نفسى والله هههههههههه


.تعرفى ايه عن ثوره 18 قصدى ثوره 20؟
20؟ قصدك ثورة 19 سعد زغلول الهلال مع الصليب مش دى ولا ايه؟
ايوه ثوره 19 ركز يا اتش الله يرضى عليك
هى ثوره اتحدت فيها كل الفئات والطبقات المصريه مسلمين ومسيحين ودى تقريبا تعتبر اول ثوره تخرج فيها النساء


مين قائد الثوره دى؟
سعد زغلول


تعرفى ايه عن مصر؟
ام الدنيااااا
خير العالم كله فيها بس محتاجه الى يستغلها صح


هل عجبيك احوال مصر حاليا ولا لا؟
حالنا بقا يصعب على الكافر والله
لا تعليم نافع وصحه نافعه وسياسه ماشيه صح
مفيش حاجه فى البلد الواحد يشكر فيها
لكن العيب مش من مصر كا بلد العيب فلى مساكين مصر ونهبين خيرها وبيمصو فى دم الغلابه


تعرفى مين هى الدوله اللى اخترعت فكره الفنكوش؟
لالا والله
طيب قولى انت مين؟


النت بيمثلك ايه؟
الصحراء شوفت الصحراء واسعه ازاى اهو النت زيها
وهو فى حياتى شئ عادى يعنى مش مهم اووى


اصدقاءك اللى بجدعددهم قد ايه؟
ليا اصحاب فى النت جدعان اووى واخوات ليا والله
وهما عددهم تقريبا 10
لكن فى العادى اصحابى الى بجد ممكن نقول 20


بتحبيى الاطفال بنسبه قد ايه؟
انا بحب الاطفال جدااا الى هما الصغيرين اووى الى عندهم شهور مثلا احب ابوس ايديهم اوووى
لكن يدخلو فى سنه بقا ويبدأ الزن بقا ساعتها بديهم علطول ههههههههه



.لو اشتغلتى فى وظيفه ازاى ممكن تبدعى فيها؟
حبى لوظيفتى هو قمة الابداع
انا لو فعلا اتشغلت زى ما نفسى يبقا ابداعى هو عملى دراسات عليا وحاجات تانيه بقا بس ربنا يسهلى


ايه موصفات فتى كوبيسك قصدى فتى احلامك؟
انا جاوبت على السؤال ده كتيررر
بص ها اختصرها فى كلمه واحده
عيزاه راجل من شكلا ومضمونا


ايه المكان اللى نفسك تروحيه؟
لو بلد نفسى اسافر فرنسا او سوريا
لو مكان يبقا اى حديقه


بتحبيى السفر و التنقل ام بيوتيه؟
لالا بحب السفر جدااااا
لا مش بحب القعاد فى البيت لكن ورايا حاجات ساعتها اغصب على نفسى وبقعد ولا بروح ولا با اجى لكن لو فاضيه براحتى بقا


و بعد ما تجوبى على السئله دى ادعيلى بعوده قويه
و اسئله تانيه
يااارب تجيب اسئله كمان
ويديك الصحه وتجيب كمان وكمان
الرجوع الى أعلى الصفحة اذهب الى الأسفل
هشام
عضو لامع
عضو لامع
avatar

رقم عضوية : 30
ذكر الاسد السٌّمعَة يا باشا : 3
تاريخ التسجيل : 03/07/2009
العمر : 27
المزاج : مش اد كدة

مُساهمةموضوع: رد: aya على كرسى الاعتراف   الأحد سبتمبر 06, 2009 4:00 am

طيب يالا نبدا
1.لو قولتلك اختارى عضو او عضوة تتكلمى عنه او عنها تختارى مين و تقولى ايه؟
2.لو ماشيه فى الشارع ولقيتى واحد بينده لواحد صاحبه باسمه هنا فى المنتدى و الشخص ده انتى تعرفيه كويس فى المنتدى و هو يعرفك هتعملى ايه؟
3.انتى مع ان البنت تشتغل ولا تقعد فى البيت احسن؟
4.ما الفرق بين المجامله و النفاق؟
5.على راى عادل امام الشجره المثمره الناس بتزلقها بالطوب ههههههههههه(الشجره المثمره يقذفها الناس بالحجاره) مين هنا ينطبق عليه المثل ده ولا ملكيش فى الاشجار ههههههههه؟
6.ايه رايك فى حب النت؟
7.اكتر ماده بتكرهيها ايه؟
8.عمرك جيتى القاهره؟و لو لا نفسك تيجى؟
9.بتتعكسى وانتى ماشيا ولا محدش بيعكسك ههههههههههههه؟
10.بتعرفى تعملى اكل ولا فاشله؟
11.قولى كلمه لى كل اتنين بيحبوا بعض؟
12.ايه رايك فى المنتدى؟
13.لو انتى على طياه و الطياره دى بتقع و موجود اربع بارشوتات عارفهم هههههه وانتى على الطياره وطفل صغير و طفله و اخوكى و زوجك و انتى اللى بتحددى يا تري هتسيبى مين يموت؟
14.فاكره اول يوم فى المدرسه فى ابتدائى؟
15.كنتى بتقعدى فى انهى صف؟
16.كنتى بتاخدى معاكى سندوتشات؟
17.كانت بتبقى سندوتشات ايه؟
18.كنتى شقيه ولا كنتى منطويه؟
19.كنتى شاطره بقى ولا ماما كانت بتعملك الواجب؟
20.جبتى كام فى الشهاده الابتدائيه؟
انتى دلوقتى الاعداديه اصحى معايا و متناميش
21.اتغيرتى كتير عن الابتدائيه؟
22.كنتى بتاخدى سندوتشات برضوا؟(مش كبرتى شويا على الحاجات دى ههههههههههههه)
23.اكتر ماده كنتى بتحبيها؟
24.اكتر مدرس كنتى بتحبيه وكان بيدرسلك ايه؟
25.كنتى بتعملى ايه فى الفسحه؟
26.و هل كنتى مع شادى فى المدرسه؟
بسم الله ما شاء الله كبيرتى اهو ورحتى الثانويه
27.مش معقول بقا يا تري لسا بتاخدى سندوتشات برضوا؟
28.ايه اكتر ماده بتحبيها.
29.حسيتى انك اتغيرتى عن الاعداديه؟
30.هو انتى وخده اللغه التانيه ايه؟و ليه؟
31.هل لديكى شخصيه تاريخيه معينه تحبيها؟
32.ما هى مشكله البطاله من وجهه نظرك؟و ما هى مشكله العنوسه من وجهه نظرك؟و هل لهما حل؟
تم بحمد الله
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الأحد سبتمبر 06, 2009 10:39 am

انا جيت
بسم الله الرحمن الرحيم

لو قولتلك اختارى عضو او عضوة تتكلمى عنه او عنها تختارى مين و تقولى ايه؟
اكيد طبعا ها اتكلم عن اخويا لانى اكتر حد عرفاه وحفظاه
ها اقول عليه حد بجد طيب وجدع وابن حلال والله هههههههه وحد ممكن تعتمد عليه


لو ماشيه فى الشارع ولقيتى واحد بينده لواحد صاحبه
باسمه هنا فى المنتدى و الشخص ده انتى تعرفيه كويس فى المنتدى و هو يعرفك
هتعملى ايه؟
ها اقف شوويه كده ادرب الموضوع فى دماغى وبعدين اقوم ماشيه ومكمله عادى
اصلى ها اوقفه فى الشارع واروح كمان اكلمه حاجه صعبه !!


انتى مع ان البنت تشتغل ولا تقعد فى البيت احسن؟
والله انا لا مع ولا ضد
يعنى لو البنت ربنا رزقها بحد ترتبط بيه وحالته الماديه كويس يبقا مالوش لازمه الشغل وتقعد فى البيت وتهتم بجوزها وعيالها وبيتها
لكن لو ارتبطت بحد حالته الماديه متوسطه يبقا مفيش اى مانع انها تشتغل مع برضه اهتمامها بجوزها وعيالها وبيتها



ما الفرق بين المجامله و النفاق؟
النفاق ده الحاجه الى لما تزيد عن حدها اووى
يعنى انا ممكن اجاملك بس فى اطار المعقول لا بيها بغشك وبخدعك ولا بيها بحبطك وايئسك لكن النفاق بقا يا ابيض بس يا اسود بس
وطبعااا انا ضد النفاق جدااااااااا



على راى عادل امام الشجره المثمره الناس بتزلقها
بالطوب ههههههههههه(الشجره المثمره يقذفها الناس بالحجاره) مين هنا ينطبق
عليه المثل ده ولا ملكيش فى الاشجار ههههههههه؟
هنا فى المنتدى ولا فى الحياه العامه
لو فى المنتدى يبقا شادى
ولو فى حياتنا العامه يبقا اى حد ناجح



ايه رايك فى حب النت؟
هههههههههههههه
ها ارد عليك بمثل وانت ها تعرف ردى
( الغرقان يتعلق بقشايه )
اكيد فهمت قصدى


اكتر ماده بتكرهيها ايه؟
الجغرافياااا
يااااااااااه كلها خرايط وحاجات غريبه كده انا بحب التاريخ عنها كتيررررررر



عمرك جيتى القاهره؟و لو لا نفسك تيجى؟
اه رحت مره كنت فى رحله
والله اعلم يمكن اجى تانى


بتتعكسى وانتى ماشيا ولا محدش بيعكسك ههههههههههههه؟
ههههههههههههههههه
مفيش بنت مش بتتعاكس

بتعرفى تعملى اكل ولا فاشله؟
لا بعرف
بعرف اعمل كفته واعمل مصقعه واعمل بميه
وفراخ
انا قابله للتعلم والله


قولى كلمه لى كل اتنين بيحبوا بعض؟
ربنا يخليكوو لبعض ويكملوكو على خير
وما تفترقوش عن بعض ابدااااااااااااا


ايه رايك فى المنتدى؟
بيتى التانى


لو انتى على طياه و الطياره دى بتقع و موجود اربع
بارشوتات عارفهم هههههه وانتى على الطياره وطفل صغير و طفله و اخوكى و
زوجك و انتى اللى بتحددى يا تري هتسيبى مين يموت؟
ياااااااااااااه ايه ده
ها ادى الاربع بارشتوتات لاربع اشخاص
الطفل الصغير + طفله + اخويا + زوجى
ومش مهم انا والله العظيم جد
لان الطفل والطفله لسه صغيرين وها يبدأو حياتهم
اخويا اكيد عشان والدى ووالدتى وعشان بيته
زوجى عشان ولادى وحياتى وهو اكتر حد ممكن يخاف على ولادى ان شاء الله
يبقا اناا كده ريحت كله وفى نفسى الوقت ارتحت


فاكره اول يوم فى المدرسه فى ابتدائى؟
ما تفكرنيش والنبى
كان يوم ما يعلم بيه الا ربنا
رحت مدرسه وكنت قاعده جمب بنت عمى وانا بقا من النوع الشقى فا بلف وشى عشان اكلم الى ورايا لقيت بعيد عنك عصايا على دهرى والله لسه فكراها لحد دلوقت
علطول حولت من المدرسه دى ورحت مدرسه تانيه وانا ناقصه عقد ههههههههههه


كنتى بتقعدى فى انهى صف؟
اقولك والله انا ماكنليش مكان محدد
يعنى اى خناقه فى الفصل يجبونى يقعدونى فى النصف بين الى اتنين الى بيتخانقو
لكن الاغلبيه ياا فى الاولى جمب الشباك يا فى التانيه على الطرف


.كنتى بتاخدى معاكى سندوتشات؟
طبعا طبعا طبعااااااااا
وهى المدرسه من غير الساندوتشات تبقا مدرسه
طبعا كنت باخد
اقولك حاجه يا اتش انا فضلت اخد ساندوتشات لحد اولى ثانوى يعنى لحد السنه الى فاتت
خلاص اتعودت هههههههههه


كانت بتبقى سندوتشات ايه؟
والله سااعات جبنه رومى وسااعات مربى وساعات بطاطس وسااعات بس قليل اوى نجيب لانشن لانه خطر وماما ضده جداااااااا
اه وسااعات بيقا فى بيض
هيصه بقا ههههههههههههه


كنتى شقيه ولا كنتى منطويه؟
منطويه !!!
ههههههههههههههههه
اقولك على حته موقف
زمان وانا فى الابتدائ انا ماما مدرسة عربى فالمهم كنت معاها فى المدرسه فا حصل موقف كده وكانت زميلة ماما جايبه ابنها قومت انا خير اللهم ما اجعله خير رحتلك على الواد ده وادتله حتته علقه وعلى فكره هو اكبر منى بتقريبا سنتين ههههههههه
فالمهم فى حضور مدرس شافنى وانا بضرب الواد ده وهو من ساعتها واخد عنى فكره زى الطين ومسمينى الشريره
ولاجل حظى الهباب وجالى فى اعدادى وكان لسه واخد عنى الفكره دى
ماكنش يشوفنى الا وانا بهزر مع واحده بس بالايد طبعاااا هههههههههه
وهو من ساعتها ولحد دلوقت فاكر عنى كده
انا السنه الى فاتت بالزات كانت رجلى ها تكسر كذا مره هههههههه
لانى بشتغلهم بقا دور القرد وافضل اتنطت بقا مره تيجى سليمه ومره تيجى اووت بس ربنا بيستر


كنتى شاطره بقى ولا ماما كانت بتعملك الواجب؟
لالالالالا ماما عمرها ما عملتلى واجب
ابداااااااااا
ولاى حد عمره عملى واجب انا الى بعمله بنفسى

جبتى كام فى الشهاده الابتدائيه؟
انتى دلوقتى الاعداديه اصحى معايا و متناميش
حدد موقفك فى الابتدائ ولا فى الاعدادى
عموما انا كنت مريحه دماااغى فى الابتدائ فكنت الحمدلله بنجح بنجح بس مش مهم مجموع
لكن فى الاعدادى فى التلت سنين
اول سنه نقصت 10 درجات عن النهائى
تانى سنه 9 درجات عن النهائى
تالت سنه 8 درجات عن النهائى
الحمدلله الحمدلله يعنى


اتغيرتى كتير عن الابتدائيه؟
اكيد طبعااااااااااااا يا سلام وده سؤال بردو !!
انا بتغير كل يوم كل يوم بحاول اغير من نفسى فى حاجا كتيرر واكتسب حاجه تانيه اكتر
فبالك بقا من ساعه الابتدائ



كنتى بتاخدى سندوتشات برضوا؟(مش كبرتى شويا على الحاجات دى ههههههههههههه)
ههههههههههههههههههههه
يادى الكسوف يادى الكسوف

.اكتر ماده كنتى بتحبيها؟
الرياضيات فى الاعدادى
والدراسات فى الابتدائ
والعربى فى الاعدادى
انجليزى فى الابتدائ


.اكتر مدرس كنتى بتحبيه وكان بيدرسلك ايه؟
ياااااااااااااااااه
مدرس الانجليزى فى الابتدائ كان حبيبى حبيبى يعنى هههههههه
ماما كانت بتدرسله زمان هههههههههه
ومدرس العربى فى الاعدادى لسه لحد دلوقت بكلمه وببعتله السلام والله استاذ محترم بمعنى الكلمه


كنتى بتعملى ايه فى الفسحه؟
بعمل ايه بعمل ايه ؟؟
والله حاجات كتير
اقولك فى الابتدائ كنت بلعب
وفى الاعدادى كنت بلعب
وفى الثانوى لازلت العب هههههههههه
لا بجد
فى الابتدائ كنت بلعب انا واصحابى وطبعا نجيب حلويات طبعاااا
فى الاعدادى كنت بلعب انا واصحابى بس من غير حلويات ههههههههه
بجد كان ليا واحده صاحبتى كنت بحبها جداااااااا وكانت معايا فى الفصل هى شبهى اساسا وبتموت فى الغلاسه زى هههههههه المهم كنا نعمل قطر احنا الاتنين ونغلس على العيال هههههههههه
( عيال عيال يعنى) ههههههههه
فى الثانوى بقا يا بروح المكتبه عشان استعير كتب
يا بقعد فى الفصل ازاكرلى كلمتين اه والله بس


و هل كنتى مع شادى فى المدرسه؟
اه كان معايا فى الابتدائ
كانو اسود 6 سنين ههههههههههههه
لا والله كان بيسلنى فى المرواح والمجى


بسم الله ما شاء الله كبيرتى اهو ورحتى الثانويه
27.مش معقول بقا يا تري لسا بتاخدى سندوتشات برضوا؟
مفيش اسرع من الايام يا اتش

وتانى بردو مصمم تحرجنى هههههههههه
ايوه لسه باخد سندوتشات هههههههههه


ايه اكتر ماده بتحبيها.
حاليا العربى والاحياء


حسيتى انك اتغيرتى عن الاعداديه؟
كتيرررر الحمدلله


هو انتى وخده اللغه التانيه ايه؟و ليه؟
فرنساوى يا سيدى
وندمانه والله سمعت ان الالمانى اسهل بس يلا قدر الله ماشاء فعل


هل لديكى شخصيه تاريخيه معينه تحبيها؟
شخصيه تاريخيه اه
مصطفى كامل
مات يا عينى فى عز شبابه لكن هو انجازاته قد ايه ولا عامله ازاى


ما هى مشكله البطاله من وجهه نظرك؟و ما هى مشكله العنوسه من وجهه نظرك؟و هل لهما حل؟
البطاله
بطاله النفس مش شرط بطاله نقصان فى الشغل وخلاص
عايزين نتكلم بقا بصراحه والله الشغل موجود للى يدور لكن البطاله الحقيقه فى نفسنا احنا
احنا الى شايفين نفسنا اوووى ومش راضين بحالنا

العنوسه
دلوقت عشان الزواج المبكر
قولى والنبى لما الشاب عنده 23 سنه يروح يرتبط بواحده عندها 15 سنه لمجرد ان اهلها عايزنها تجوز وخلاص ودلوقت احسن من بعدين
لما كل البنات الى فى 15 و 16 و 17 هما الى بيتجوزو
اومال الى فى سن 23 و 25 و 30 وانت طالع
يعملو ايه ؟؟ اكيد طبعااااا ها يعنسوو

الحل فى البطاله اننا نعيش بقا فى الواقع وفى مثل يقولك( على قد لحافك مد رجليك) عايزين نحس شويه بالازمه فعلا ونحاول نحلها مش نزودهااا
العنوسه بقا تحديد عمر الزواج وفرض عقوبه على الى يخالف القانون ده


تم بحمد الله
تسلم يا اتش
الرجوع الى أعلى الصفحة اذهب الى الأسفل
AYa
كاتب vip
كاتب vip
avatar

رقم عضوية : 6
انثى الثور السٌّمعَة يا باشا : 13
تاريخ التسجيل : 01/04/2009
الموقع : من قال أن الابتسامة رمز للفرح! ومن قال بأن الدمعة رمز للحزن! أحياناً.. تعبر عن الفرح العظيم دمعة، وتلخص الحزن العظيم إبتسامة
المزاج : حد فاهم حاااااااااااااااااااااجة ؟؟؟؟؟؟؟؟؟

مُساهمةموضوع: رد: aya على كرسى الاعتراف   الإثنين سبتمبر 07, 2009 6:44 pm

ايه الاخبااااااااااااار ؟
خلصنااااااااااااا سفنى يا جماعه
اروح بيتناااا
ولا لسه ؟؟
الرجوع الى أعلى الصفحة اذهب الى الأسفل
 
aya على كرسى الاعتراف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب جامد :: আωש ǁ¦[ઔ҉ਿআܔ. منتدى الترفيهى .ܔআੀ҉ઔ]¦ǁ שωআ :: كرســــــي الإعتـــــــراف-
انتقل الى: